Müəllif: Gülnar Əhmədli, Banco.az
İnsan həyatında çox vacib olan anlayışlar var. Şübhəsiz ki, pul da onlardan biridir. Müasir dövrdə pul hər bir insanın xəyal etdiyi həyatı yaşaması üçün sahib olmalı olduğu ən vacib şeylərdən biridir. Buna görə də, pul bir çox insanlar üçün mal və xidmətlərin mübadiləsi vasitəsindən daha çox şey deməkdir. Təbii ki, bu, hər insana aid deyil. Yenə də pulun insan həyatında çox həlledici olduğu danılmaz faktdır. Ancaq təəssüf ki, bir çox insanlar yalnız xoşagəlməz təcrübələrdən sonra pul və maliyyə haqqında biliklərini artıra bilirlər. Çünki dərsliklərdə pul və həyatın əlaqəsi ilə bağlı məlumatlar yoxdur. Bu vəziyyət bir çox insanın həyatı boyu gözləntilərinin olmasına və böyük xəyal qırıqlığı yaşamasına səbəb olur.
Pul və həyat arasındakı əlaqə haqqında bilməli olduğunuz 6 əsas məlumat bunlardır:
1. Pulun real dəyəri onun ala biləcəyi şeylərlə deyil, verdiyi imkanlarla ölçülür
Bir çox insan əlində olan pulla nə ala biləcəyini düşünür. Ancaq bu, pul və həyat arasındakı əlaqə haqqında düzgün düşünmək təcrübəsi deyil. Çünki pulun real dəyəri onun ala biləcəyi şeylərlə deyil, sizə verdiyi imkanlarla ölçülür. Məsələn, pulunuza qənaət edildikdə, işinizi itirmək və ya gözlənilməz xərclərlə qarşılaşmaqdan narahat olmayacaqsınız. Bir sözlə, pul bir şey almağa kömək etdikdə deyil, özünüzü azad və narahat hiss etmədiyiniz zaman dəyərlidir.
2. Ömrünüz boyu zəngin olma ehtimalınız azdır
Təbii ki, bu mümkündür, amma birdən-birə yüksək məbləğlər qazanmaq real deyil. Buna görə də, mümkün qədər qənaətcil olmaq ən yaxşı şeydir. Bununla pul və həyat arasındakı bağı daha rasional əsaslarla qura və gələcəyiniz üçün daha real addımlar ata bilərsiniz.
3. İnvestisiyalar zaman və səbir tələb edir
Yüksək riskli bir maliyyə aləti deyilsə, investisiyanızın pula çevrilməsi üçün vaxt lazımdır. Üstəlik, həqiqətən təhlükəsiz və düzgün investisiya etmisinizsə, mütləq gəlir əldə edəcəksiniz. Etməli olduğunuz şey addım atmağa davam etmək və bir az daha səbirli olmaqdır.
4. Maliyyə azadlığı əldə etmək üçün səy göstərin
Ömrünüz boyu hər sahədə, hətta pul və maliyyə məsələlərində də sizə dəstək olan yaxınlarınız ola bilər. Ancaq cüzi miqdarda da olsa, maddi cəhətdən başqalarından asılı olmaq bir müddət sonra azadlığınızı itirməyinizə səbəb ola bilər. Buna görə də özünüzü maddi cəhətdən azad etmək üçün addımlar atmağa çalışın.
5. Qazandığınızdan daha az xərcləyin
Qənaət etməyin bu qızıl qaydasını həmişə yadda saxlayın. Ömrünüz boyu qazandığınızdan daha az xərcləyin. Əgər gözlənilməz hallar qarşısında maliyyə uğursuzluğuna sürüklənmək istəmirsinizsə, bu bəndə ciddi riayət etməyinizi tövsiyyə edirik.
6. Başqalarının verdiyi məsləhətlərə qarşı diqqətli olun
Xüsusən də maddi vəziyyəti yaxşı olmayan insanların məsləhətinə qarşı bu bəndi xüsusi diqqətdə saxlayın. Hər kəsin hər şeyi bildiyi bir əsrdə investisiya etmədən və ya xərcləməzdən əvvəl ətraflı araşdırma aparın.
Bizi sosial şəbəkələrdən izləyin!!
